يا حمامة قبل شمس العصر لاتغيب
عرضت للهوى الغربي مناكيبها
صدرت من مراحٍ هملوه العزيب
في طرف فيضةٍ مبطي تعشي بها
بين حزة مراح وقرقعت حس جيب
وكد ملت حوصلتها من عشا صيبها
روّحت والبعيد اليا ان توتلة قريب
من رهاوت جناحٍ قمت اهذري بها
نشبت العين فيها مثل سبر الرقيب
لين غابت وقرص الشمس علمي بها
ليت من لة جناحينك وقلبٍ ربيب
واذخرة كل ما الذكرى عوى ذيبها
كان قدمك ولايف والله ان لي حبيب
ابعدتة الليالي وش اسوي بها
مالي الا اتعذر بالقدر والنصيب
والزمن كل فرقى اثنين يحري بها
من طعون الزمن كم واحدٍ مصتصيب
في قلوب الولايف شف مضاريبها
واهنيك حمامة كل غصنٍ رطيب
مدهلك وان طرت للشواق طرتي بها
جارك الله من كفوف الوحش والربيب
جعل مابي من اللوعات منتي بها