غالي علي غالي
يا مرحبا مليون
ما غبت عن بالي
لحظة ورب الكون
لا يا بري حالي
عليك يا لمزيون
يالاول التالي
يالجوهر المكنون
خذني ولا تبالي
قلب وعقل وعيون
يا آخر امالي
في كل شي تمون
اخاف عذالي
ما خاف منك تخون
لامر جوالي
صوتك: طرب ولحون
اجر موالي
والناس ما يدرون
واهز فنجالي
وامشي وانا مغبون
لا تقول انا مالي
وانا بك المفتون
مكانك الخالي
باقي ما هو مسكون
لا شفتك قبالي
كل الغياب يهون
لا تقطع وصالي
واهل العشق يوفون