وينهم واخبارهم ‘ سعد ابو من زارهم
يوم جيت لدارهم ‘ خابر انهم نازلين
سقم حالي يا فهد ‘ من مساء ليل الاحد
في مداهيل الوعد ‘ ذكرتني حاجتين
طارين حبٍ قديم ‘ ايه والله العظيم
حب في قلبي مقيم ‘ ساقني يمه حنين
دار مظنوني وانا ‘ في غيابه ما هنا
ذايقن طعم العنا ‘ اشهد ان البعد شين
جيتها واطرافها ‘ جعلني ما عافها ‘
وقمت اغني قافها ‘ وابدع القيفان لين
ذكرتني ديرته ‘ في الغرام وسيرته ‘
وفي غلاه وجيرته ‘ حي هاذيك السنين
ديرتن فيها الغلا ‘ جعل تفداه المُلا
وياعساني ما خلا ‘ من غلا اللي فيه زين
واحد زينه رها ‘ و فيه من عنق المها ‘
والحروف اربها ‘ في تواصيفه تبين
والعيون ايلا طرا ‘ عين حرن اشقرا ‘
مايناظر للثرا ‘ كل ماناظر بعين
اشقرن ما به خفو ‘ في مطاليعه كفو
له مخاليبن وفو ‘ مايصيد الا سمين
ادعجن فيه الغنج ‘ راعي اعيونن دعج
منه قلبي مايسج ‘ وان قسا عنده يلين
اعشقه واشتاق له ‘ والهجوس ان تاقله
من بيوته ساقله ‘ نادر الفكر الثمين
نادر افكار الغزل ‘ في جنابه تنعزل
الثمينه والجزل ‘ كل ابوها حاضرين
مغرمن حبه يزيد ‘ في غرامه من جديد
لعنبوا قلبٍ يحيد ‘ من وفــا حب الضنين
كلمات شيلة وينهم واخبارهم سعد أبو من زارهم